قصائد اتعبني الترقيم من سوق لي سوق

اتعبني الترقيم من سوق لي سوق
كني موظف في حراسات الاسواق
لزقت فيها لزقـة علـوك باطـوق
حتى عرفني كـل بايـع وسـواق
من شافني يقول تاجـر ومرمـوق
حظي مجنب بي عن درب الارزاق
عقلي من الخفرات لاذع ومحروق
من يفتحون السوق وانا على ساق
الحق بنات الناس هايم ومطفـوق
ومخباي مليانه من اركان الاوراق
دايم وجوالي على الاذن ملصـوق
محبوبتي ماتحمـل بعـد وافـراق
تقول ثامر واسمي الصدق مرزوق
لا يابعد ثامر ومرزوق واسحـاق
العب عليها لعب عاشق بمعشـوق
وابني براس الحلوه اجسور وانفاق




---------------------------------------






قالت باصيف بين لندن ومدريد
وانتة حبيبي وين ناوي تصيف
قلت اسمحي لي بالعذر والتناهيد
الله يخلـي غرفتـي والمكيـف





---------------------------------------






عطني زقاره من الباكيت
باكيتي اللي معي خالـي
حسبي على راعي الوانيت
اللي خذا صاحبي الغالـي





---------------------------------------






ياقاضي ليلك من خطوط في خطوط
معـاك خـط وتنتظـر خـط ثانـي
ويلي على الي يمسطك مسط بالسوط
حتـى تعانـي مثـل نـاسٍ تعانـي




---------------------------------------






{ قـد نايـت } يارجـال مسيـت بالخيـر
اقصدك يارجل جلس وسـط { ذ س روم}
{ تل مي } علومك قبل تنزل من { التشير }
لا تـروح منـا وانــا فـيـك مـلـزوم
يا{ سير }قل لـي المطرعندكـم { ويـر }
نبـي نعـس ادياركـم جعلهـا الـقـوم
و{هاو متش}شـدة يـا فتـى للمظاهيـر
و{ الشيب}يشبع لا قضى { الهاف}من يوم
و{ للأيـت} بنعزمـك ولاهـوب خنـزيـر
{ يو} عندنـا{ تـو دي }للكبـش معـزوم



اتمنى ان تنال على اعجابكم
ويعطيكم العافيه على المرور

تسلمين يالغلا علي القصائد